ໂຈນປຸ້ນເຮືອນ ທີ່ບ້ານດົງສ້າງຫີນ, ເມືອງໄຊທານີ, ນະຄອນຫຼວງວຽງຈັນ. (12-08-2015)


      

    ນະຄອນຫຼວງວຽງຈັນ: ເວລາປະມານ 15:00 ວັນທີ 10 ສິງຫາ 2015, ເກີດເຫດໂຈນປຸ້ນເຮືອນ ທີ່ບ້ານດົງສ້າງຫີນ, ເມືອງໄຊທານີ, ນະຄອນຫຼວງວຽງຈັນ.


    ຈາກການລາຍງານຂອງຄອບຄົວຜູ້ເສຍຫາຍບອກວ່າ, ຕອນເວລາປະມານ ສາມໂມງຕອນບ່າຍວັນທີ 10 ສິງຫາ 2015 ມີຄົນຮ້ານບຸກເຂົ້າເຮືອນມາປຸ້ນເອົາຊັບສິນ ໂດຍຜູ້ຮ້າຍມີລວດ ແລະ ສຽມເປັນອາວຸດ. ພໍເຂົ້າມາຮອດເຮືອນ ໂຈນໄດ້ໃຊ້ສຽມ ຕີຜູ້ຍິງສອງຄົນ ທີ່ຢູ່ເຮືອນ ທີ່ກຳລັງນັ່ງກິນເຂົ້າ ແລ້ວຂູ່ເອົາເງິນ ແລະ ວັດຖຸມີຄ່າ.

    ຈາກນັ້ນ, ໂຈນພະຍາຍາມຈະຫຼົບໜີ ແຕ່ຖືກປະຊາຊົນ ແລະ ເຈົ້າໜ້າທີ່ຈັບໄດ້. ສືບຖາມໄດ້ຜູ້ກ່ຽວ ເປັນຄົນສົມສະຫງ່າ ແລະ ໄປສ້າງຄອບຄົວທີເຂດເມືອງສັງທອງ. ລາວໄດ້ກັບມາຢາມແມ່ທີ່ສົມສະຫງ່າ ພໍຂາກັບຈິ່ງເກີດແນວຄິດຢາກໄດ້ເງິນຄຳ ຈິງວາງແຜນ ເຂົ້າປຸ້ນບ້ານເຮືອນຊາວບ້ານ. ຈິ່ງໄດ້ມາພົບເຮືອນທີ່ເກີດເຫດ ທີ່ເປີດປະຕູເຮືອໄວ້. ຈິ່ງໄດ້ບຸກເຂົ້າໄປທຳຮ້າຍຮ່າງກາຍ ແລະ ຂູ່ເອົາຊັບສິນ. ແຕ່ຖືກເຈົ້າໜ້າທີ່ຈັບໄດ້ ຫຼັງຈາກກໍ່ເຫດ.

    ປະຈຸບັນ ຖືກຜູ້ຮ້າຍຖືກກັກຕົວ ແລະ ຈະຖືກດຳເນີນຄະດີ ໃນຂໍ້ຫາ ທຳຮ້າຍຮ່າງກາຍ, ແລະ ກະທຳການປຸ້ນຈີ້ ເຊິ່ງໂທດມີທັງແພງ ແລະ ອາຍາ.

    ເປັນອຸທາຫອນໃຫ້ປະຊາຊົນທຸກຄົນຕ້ອງໄດ້ລະມັດລະວັງ ຄົນແປກໜ້າ ທີ່ອາດມີພຶດຕິກຳບໍ່ດີເຊັ່ນນີ້.

    ພາບແລະຂ່າວ: ວັນນະເລດ (ຜູ້ເສຍຫາຍ)

     

    ລາຍງານໂດຍ: ເດັກແນວ ໂທລະໂຄ່ງ. http://www.tholakhong.com

ຂ່າວອື່ນ

ລາຍຊື່ລູກຄ້າຕອ້ງການຊື້ລົດ