ເວົ້າເລື່ອງຄວາມເປັນລະບຽບ, ນັບຖືກົດ, ໃຫ້ກຽດເຊິ່ງກັນແລະກັນ ແລະ ສຸພາບ ຕ້ອງຖືໄດ້ວ່າ ຊາວອາທິດອຸໄທ ຫຼື ຊາວຍີ່ປຸ່ນນີ້ລະ ເປັນອັນດັບຕົ້ນໆ ຂອງໂລກ ທີ່ເຮັດໄດ້ດີ. ວິດີໂອຂ້າງລຸ່ມ ໄດ້ຖ່າຍເອົາການສັນຈອນ ໃນຍີ່ປຸ່ນ ທີ່ພວກຜູ້ຂັບຂີ່ຈະມີ ການປະຕິບັດ ອັນໜຶ່ງເວລາ ລົດຄັນອື່ນ ໄດ້ ເປີດທາງໃຫ້ ແລະ ເພື່ອກ່າວຄຳຂອບໃຈ ລົດທີ່ໄດ້ຮັບການປ່ອຍທາງ ຈະເປີດໄຟກະພິບ ຂໍທາງ ສອງຄັ້ງ ແກ່ລົດທີ່ປອຍທາງໃຫ້ ເພື່ອເປັນການສະແດງຄຳຂອບໃຈ. ເຫັນແລ້ວຮູ້ສຶກວ່າ ເຮັດໃຫ້ການຂັບຂີ່ລົດ ມີບັນຍາກາດ ແມ້ວ່າຈະບໍ່ໄດ້ ສະແດງຄຳຂອບໃຈດ້ວຍຄຳເວົ້າ, ແຕ່ການສະແດງສັນຍາລັກ ກະພິບໄຟຂໍທາງ ໃສ່ລົດຄັນທາງຫຼັງ ເພື່ອສະແດງຄຳຂອບໃຈ ກໍ່ເປັນທີ່ໜ້າເອົາເປັນແບບຢ່າງ ເພື່ອເຮັດໃຫ້ການສັນຈອນ ມີສີສັນ ແລະ ເພິ່ມຄວາມປອດໄພ ເພາະທຸກຄົນຂັບຂີ່ດ້ວຍຄວາມໃຫ້ກຽດ ເຊິ່ງກັນແລະກັນ ແລະ ຮູ້ຈັກກ່າວຄຳຂອບໃຈກັບຄົນອື່ນໆ ທີ່ປ່ອຍທາງໃຫ້ຕົນ.

ປະເທດລາວເຮົາເດ ເຄີຍມີຄຳເວົ້າວ່າ ຄົນລາວຄົນຈິງໃຈ ຄົນມີນ້ຳໃຈ, ຢາກໃຫ້ນຳເອົາມາເຮັດໃນພາກປະຕິບັດ ໃຫ້ຫຼາຍຂຶ້ນ. ຢ່າລືມກະພິບໄຟສອງບາດ ເພື່ອຂອບໃຈກັນແດ່ເດີ! ປີ໋ບໆ!

ແຫຼ່ງ​ຂ່າວ: http://www.tholakhong.com