ສຳນັກຂ່າວຕ່າງປະເທດລາຍງານວ່າ ກະຊວງສາທາລະນະສຸກຂອງອັງກິດ ໄດ້ອອກມາຢືນຢັນໃນມື້ວັນຈັນທີ 13 ກໍລະກົດຜ່ານມາ ພົບການແຜ່ລະບາດຂອງເຊື້ອໄວຣັດໄຂ້ຫວັດສັດປີກ ສາຍພັນ H7N7 ໃນຟາມລ້ຽງສັດຢູ່ເຂດແລງຄາເຊຍ ທາງພາກຕາເວັນຕົກສຽງເໜືອຂອງປະເທດ ໂດຍສາຍພັນດັ່ງກ່າວນີ້ ສາມາດຕິດຕໍ່ມາສູ່ມະນຸດໄດ້ ເຮັດໃຫ້ທາງການໄດ້ສັ່ງຂ້າໄກ່ແລ້ວຈຳນວນ 170,000 ໂຕໃນຟາມດັ່ງກ່າວ.

ທັງນີ້ ໃນທະວີບເອີຣົບ ແມ່ນເຄີຍມີການແຜ່ລະບາດຂອງພະຍາດສາຍພັນດັ່ງກ່າວນີ້ແລ້ວ ເມື່ອປີ 2003​ ຜ່ານມາ ທີ່ປະເທດໂຮນລັງ ໂດຍໃນເທື່ອນັ້ນພົບການແຜ່ລະບາດຈາກສັດປີກມາສູ່ຄົນຫລາຍກ່ວາ 80 ກໍລະນີ ແລະ ມີຜູ້ເສຍຊີວິດ 1 ຄົນ.

ແຫຼ່ງ​ຂ່າວ:http://www.laopost.com/