ຂ່າວຕອນລົດຕຳແລ້ວໜີ: https://www.facebook.com/tomhuknar.bormee/posts/513420318815868?__mref=message_bubble
----------------------------------------
05 08 2015 ເວລາປະມານ 01:40 ນາທີ

ລົດໃຫຍ່ຕຳແລ້ວໜີ 18+

ໄດ້ມີພົນລະເມືອງດີຊ່ວຍໂທແຈ້ງເຫດສຸກເສີນ 1623 ມີໃຫຍ່ຕຳລົດຈັກແລ້ວໜີ ຢູ່ບ້ານ ໂພນປ່າເປົ້າ ເມືງສີສັດຕະນາກ ນະຄອນຫຼວງວຽງຈັນ ຢູ່ໃນເຫດການ ມີຄົນໄດ້ຮັບບາດເຈັບ 2 ຄົນເປັນຊາຍ ຊຶ່ງຄົນໜຶ່ງນັ້ນອາການສາຫັດ ມີບາດແຜຈີກໃຫຍ່ທີ່ຂາຂວາ ຕົນບໍ່ສາມາດນຳສົ່ງໂຮງໝໍໄດ້ ເພາະບໍ່ກ້າເຄື່ອນຍ້ານ ສ່ວນອີກຄົນໜຶ່ງນັນ ບາດເຈັບທີ່ແຂນຂວາ ແລະ ຢູ່ໃນອາການຕົກໃຈຮຸນແຮງ

ເມື່ອທາມງໜ່ວຍງານມູນນິທິ ພ້ອມດ້ວຍທີມງານໄປເຖິງທີ່ເກີດເຫດ ພົບຄົນເຈັນນອນຢູ່ກັບພື້ນຂ້າງທາງ ມີອາການບາດເຈັບສາຫັດທີ່ຂາຂວາ ມີບາດແຜເປີດໃຫຍ່ (ຈົນເຫັນຮອດກະດູກ) ນອນຮ້ອງດ້ວຍຄວາມເຈັບປວດ ແລະ ທໍລະມານດ້ວຍຄວາມແສບທີ່ນ້ຳຝົນຖືກບາດແຜ

ສ່ວນອີກຄົນແມ່ນມີຮອຍບາດແຜເລັກໜ້ອຍທີ່ສອກຂວາ ເຈັບປວດຕັ້ງແຕ່ ສອກຫາົກກແຂນ ແລະ ຢູ່ໃນອາການປົກກະຕິ

ທາງທີມງານຈຶ່ງຮີບປະຖົມພະຍາບານ ແລະ ຕິດຕໍ່ຫາພີ່ນ້ອງຜູ້ບາດເຈັບ ຊຶ່ງຢູ່ບໍລິເວນໃກ້ນັນໃຫ້ມາເອົາລົດ ແລະ ຮີບນຳສົ່ງໂຮງໝໍມິດຕະພາບ ເນື່ອງຈາກອາການບາດເຈັບອີກຄົນນັ້ນສາຫັດຈຳເປັນຕ້ອງໄດ້ສົ່ງໄປໂຮງໝໍມິດຕະພາບຊຶ່ງເປັນສູນຮັບອຸບັດຕິເຫດເລື່ອງການກະທົບຫົວ ແລະ ກະດູດ

ຈາກການບອກເລົ່າຂອງຜູ້ບາດເຈັບບອກວ່າ ຕົນ ແລະ ນ້ອງ (ນ້ອງຮັກ) ໄດ້ພາກັນໄປຊຸມແຊວບ້ານໝູ່ຢູ່ດອນນົກຄຸມ ແລະ ພໍຮອດເວລາກັບຝົນຕົກໜັກ ຈຶ່ງໄດ້ນັ່ງຫຼິນນຳໝູ່ຈົນຮອດປະມານ ທ່ຽງຄືນຝົນກໍ່ໄດ້ຄ່ອຍລົງ ແລະ ພາກັນກັບ

ເມື່ອຕົນ ແລະ ນ້ອງໄດ້ຂີ່ລົດມາຮອດທີ່ເກີດເຫດ ກຳລັງຈະລ້ຽວເຂົ້າຮ່ອມບ້ານຕົນ ແລະ ໄດ້ເປີດໄຟສັນຍານບອກທິດທາງທີ່ຈະລ້ຽວແລ້ວ ແຕ່ໄດ້ມີລົດຄັນໜຶ່ງ ແລ່ນມາດ້ວຍຄວາມໄວສູງ ຄາດວ່າຄົງເມົາ ໄດ້ຫັກເຈີດມາໃສ່ລົດຕົນ ຕຳເຂົ້າກາງລຳລົດຈັກ ແລະ ຟົ້ງກະເດັນໄປໄກປະມານ 3-5 ແມັດ ທັງຕົນ ແລະ ນ້ອງ ໄດ້ແຕ່ນອນເຈັບ ແລະ ມຶນງົງປະມານ 2-3 ນາທີຈຶ່ງໄດ້ມີພົນລະເມືອງດີ ທີ່ຂີ່ລົດຈັກກາຍທາງມາເຫັນ ແລະ ໂທແຈ້ງເບີສຸກເສີນມາຊ່ວຍ

ສ່ວນລົດຄັນນັ້ນແມ່ນຕຳແລ້ວໜີໄປເລີຍ ດ້ວຍຄວາມຕົກໃຈ ແລະ ເປັນຫ່ວງນ້ອງ ທີ່ຮ້ອງເຈັບປວດຈຶ່ງບໍ່ທັນເບິ່ງປ້າຍລົດ ແລະ ລົດກໍ່ຂັບໜີດ້ວຍຄວາມໄວສູງ ຈຶ່ງເຫັນພຽງແຕ່ວ່າເປັນລົດປະເພດລົດເກັງສີຂາວ (ຄາດວ່າເປັນຮຸ່ນໄດ ອີແລນຕາ ຫຼື ເກຍ) ແລະ ລົດຄັນດັ່ງກ່າວນັ້ນໄດ້ຖິ້ມຫຼັກຖານໄວ້ຄື ຂອບຕາໄຟ ແວ່ນລົດດ້ານຂວາ ຈຶ່ງຢາກວອນໃຫ້ຜູ້ກະທຳຜິດມາຮັບຜິດຊອບໃນສິ່ງທີ່ໄດ້ກໍ່ໄວ້

ຈາກການສອບຖາມອາການບາດເຈັບຂອງຜູ້ເປັນນ້ອງຈາກອາສາສະໝັກຈຶ່ງໄດ້ຮັບຮູ້ລາຍລະອຽດວ່າ ມີບາດແຜທີ່ຫົວ. ຂາຂວານັ້ນອາການສາຫັດຫຼາຍ ກະດູຂາ ຊ່ວງ ໜ້າແຂ່ງ ແລະ ຫົວເຂົ່າ ແຕກ ກ້າມຊິ້ນຈີກຂາດສາຫັດຫຼາຍ

http://www.tholakhong.com/