ຫຼັງຈາກເຮັດວຽກມາຢ່າງໜັກ ໃນການຮັບໃຊ້ສັງຄົມ, ລົດຂອງສະມາຄົມອາສາກູ້ໄພນະຄອນຫຼວງ, ທີ່ເປັນລົດເກົ່າ ນຳເອົາມາສ້ອມແປງເປັນລົດກູ້ໄພ ແລະ ໄດ້ປະຕິບັດໜ້າທີ່ມາໄດ້ ເກືອບປີ. ກໍ່ໄດ້ມີການເປເພ.


ຈິ່ງຂໍແຈ້ງຂ່າວເຖິງຜູ້ໃຈບຸນທັງຫລາຍ ທີ່ຢາກປະກອບສ່ວນຊ່ວຍເຫຼືອສັງຄົມ ປັດຈຸບັນນີ້ລົດສຸກເສີນ01 ຂອງ ໜ່ວຍກູ້ໄພນະຄອນຫຼວງໄດ້ເປເພຍ້ອນສາເຫດເປັນລົດເກົ່າ ແລະ ໄດ້ຮັບໃຊ້ ປະຊາຊົນຊາວນະຄອນຫລວງ ໂດຍສະເພາະແມ່ນ ຮັບສົ່ງຄົນເຈັບສຸກເສີນ,ອຸບັດຕິດເຫດ

ລົດຄັນນີ້, ແມ່ນໄດ້ປະຈຳການກັບໜ່ວຍກູ້ໄພນະຄອນຫຼວງ ນັບຕັ້ງແຕ່ມື້ສ້າງຕັ້ງສະມາຄົນຈົນເຖິງປັດຈຸບັນເກືອບ 1 ປີ ແລ້ວເຮັດໃຫ້ສະພາບຂອງຈັກລົດ ໄດ້ເປເພເສຍຫາຍ ຈົນບໍ່ສາມາດສ້ອມແປງໄດ້.

ດັ່ງນັ້ນທາງໜ່ວຍກູ້ໄພນະຄອນຫລວງ ຈຶ່ງໄດ້ວີງວອນມາເຖິງຜູ້ໃຈບຸນທັງຫລາຍ ຊ່ວຍປະກອບສ່ວນສົມທົບທຶນ ເພື່ອປ່ຽນຈັກໃໝ່ ໃສ່ລົດສຸກເສີນ 01 ໃຫ້ໄດ້ກັບມາຮັບໃຊ້ບໍລິການປະຊາຊົນໃຫ້ທົ່ວເຖິງທັນເວລາ ແລະ ຂະຫຍາຍການຮັບໃຊ້ສັງຄົມໃຫ້ຫລາຍຂຶ້ນ.

ທ່ານສາມາດບໍລິຈາກແປງລົດໄດ້ທີ່ບັນຊີທະນາຄານການຄ້າຕ່າງປະເທດລາວ
ໝາຍເລກ 010120000993902001 ( ເງີນກີບ )
ໂດຍລະບຸໃສ່ວ່າແປງລົດສຸກເສີນ 01

ທ່ານ ສາມາດເຂົ້າມາບໍລິຈາກດ້ວຍຕົນເອງໄດ້ທີ່ສະມາຄົມອາກູ້ໄພນະຄອນຫລວງ ບ້ານ ໜອງສ້າງທໍ່ ( ຂ້າງວັດໜອງສ້າງທໍ່ ) ເມືອງໄຊເສດຖາ ນະຄອນຫລວງວຽງຈັນ ໂທສອບຖາມໄດ້ທີ່ສາຍດ່ວນ 1624 ໄດ້ ຕະຫຼອດເວລາ

ການຊ່ວຍເຫຼືອຂອງທ່ານ ຄືການຊ່ວຍເຫຼືອສັງຄົມ

ໂດຍ: ສະມາຄົມອາສາກູ້ໄພ ນະຄອນຫຼວງ
------------------------------------------------
www.tholakhong.com